Табыстар тарихы
Verum Foundation
«Verum Foundation» қорының психологтары тұрмыстық зорлық-зомбылық құрбандарымен жұмыс істеу үшін авторлық әдістемені әзірледі


«Verum Foundation» қоры дағдарыс орталықтарын қолдау, оларды жоғары білікті психологиялық және заң көмегін көрсету желісі бойынша аймақтарда дамыту жөніндегі республикалық жобаны таныстырды.

Бұл жоба COVID-19 пандемиясы кезінде әйелдер мен балаларға қатысты тұрмыстық зорлық-зомбылық жағдайларының артуына байланысты жауапты шара. Дағдарыс орталықтарының қызметкерлері, психологтар мен заңгерлер зорлық-зомбылық құрбандарына көмек көрсетудің тиімді технологияларын үйренеді. Атап айтқанда, психологтар «Психологиялық мәселелердің барлық түрлерін шешуге арналған авторлық «Genesis» экспресс-психотерапиялық тәсілін» қолдануды үйренеді. Бұл тәсіл психологтарға психологиялық дағдарысқа ұшыраған ересектерге, жасөспірімдерге және балаларға көмек көрсетуге мүмкіндік береді.
««Genesis» тиімді әдістемесімен осы жылдың қыркүйек айының басында таныстым және әлі де танысып келемін. Ол – қысқа мерзімде клиентке психологиялық мәселелерді шешуге көмектесетін жедел әдіс. Ол психологияның барлық тиімді құралдарын біріктірді. «Genesis» көмегімен балаларға, ересектерге, тіпті өз-өзіңе көмек көрсетуге болады. Бұл өте керемет!»
«Genesis» тәсілін қолдану бойынша тренингтер қатысушысы